J Krishnamurti जिदू कृष्णमूर्ती

  Chapter IV Self knowledge मानवी समस्या इतक्या गुंतागुंतीच्या आहेत की, त्यांना समजून घेण्यासाठी आणि त्यांचे निराकरण करण्यासाठी त्यांच्याकडे अगदी सोप्या आणि थेट पद्धतीने संपर्क साधणे आवश्यक आहे. काल्पनिक उपायांनी वेळकाढूपणा करीत राहिल्याने समस्या अधिक खोलवर पसरत राहतात. चर्चा, चिंतने किंवा जुन्या ऐवजी नवीन गुरूंच्या बदलीद्वारे उपाय शोधला जाऊ शकत नाही. कारण, मानवी मानसिक समस्यांचे निराकरण स्पष्टपणे त्या समस्येच्या निर्मात्या मध्ये आहे, गैरसमज हा निर्माण कर्त्यामध्ये आहे. मानवांमध्ये अस्तित्वात असलेल्या प्रचंड द्वेष आणि गैरसमजांमुळे, या गैरसमजाचा निर्माता, या समस्यांचे निर्माते, आपण, आपण आणि केवळ आपण आहोत. आपण विचार करतो की इतरजन याचा निर्माता असावा परंतु आपण सर्वजण वैयक्तिकरीत्या त्यास जबाबदार आहोत. जग म्हणजे तुम्ही आम्ही आणि आपले हितसंबंध हेच असते. आपणच जागतिक समस्या बाबत जबाबदार आहोत. जग हे आपल्या विचारांचे बनलेले आहे आणि जगाला समजण्यासाठी आपण आपणास व्यवस्थित समजून घ्यायला हवे.  जग हे आपणा हून वेगळे नाही आपले गुण, दोष, समस्या हेच जगाचे गुण, दोष, समस्या असतात. जगातील समस्या सो...